「我會做好呢份工」。
四十年前入職公務員隊伍，說的是這句，四十年後「競選」特首，竟將此句作金句返炒，也算是說得夠白。
打份工(尤其公務員)，所謂效率高處見高者，就是依足程序、跟足指引。有邊份工，會由打工嗰個參與設計份工應該呢打？都話說得夠白。
打工思維，即跳不出侍奉老細。尤其當大家都心知肚明，老細一定唔係你或我呢啲市民。
當一個社會領袖，僅以打工來理解自己的責任，可預見，末來五年，關心香港的朋友將會好很忙。
(觀現場直播匆匆)
**********************************************************
呵呵，是哪位網友惡搞，博眾升斗一粲。(見明報)
4 則留言:
我把這七個字作了今期 desktop的桌布 - 什麼型爆 design明星天星都要讓路.
因為, 這七個字實在太有意思.
之後, 聽罷某君在電台替他這七個字"開脫", 心想: 唉, 誰來有興致深究什麼核心價值等等... 我只知道這不是一個領袖該說的話.
看著看著, 兩人竟令我想起尼克遜和卡特 - 不過卻是身份性格大兜亂.
喂，好耐冇見﹗
嘻，你用邊七個字做桌布先？做好，定係辭咗？
之前都冇數過係七個字，經你一提，竟聯想起那個童話故事︰一下打死七個﹗
哈，連標點剛好七格。
當然是"做好"啦... "辭咗"的捧腹程度始終一般.
然後, 走到地鐵站, 要再面對它至少三次...我不是反對選舉工程, 只是這七個字的點子太爛; 還未說除了這七個字和職位就沒有其他註釋, 搞不成真的只是某某某的自薦廣告也不定呢!?
今天讀報倒是嚇了一跳，謂曾營自覺贏了口號戰云云。唔通賣多啲廣告、鋪天蓋地咁，就會覺得自己贏咗？
自我感覺咁良好，都真係幾驚。
發佈留言